كلمات مهرجان ضحيه ام ابو الشوق
عالم غريب
والدنيا مالها بقت كده وبدأت تخيب
الحال مريب
ولاناس تخاف على بعضها مبقاش فى عيب
الناس قلوبهم كلها بقت سواد
بنقول هتتعدل لكن الظلم زاد
الندل مبسوط والجشع بقى مستفاد
والرحمة راحت نجينا يارب العباد
الدنيا دى سيما
تمثيل ملوش قيمة
والخير موضة قديمة راحت عليه
الكره بقى غالب
والناس بتتكالب
مع بعض نتحارب على الجنيه
مهما نعيش
هنشوف ونسمع عن بشر ما بستحيش
الدنيا دى
مليانة بحكاوى وعبر ما بتنتهيش
كان فى ولد يتيم وامه ربته
جوا عيونها وجوا قلبها شالته
كبر الولد عايز يشوف بقى دنيته
وحب واحدة وهى برضو حبته
حكى وقال لأمه
وفرحته فى قلبه
قال لها على حلمه بيت وعيال
أمه قالت يابنى
شوف الميعاد امتى
ونروح ونخطبها من أهلها
راحو هناك
امه شافتها معاه قالت قلبى انقبض
مش هى دى
اللى تصون وتقف فى ضهرك للأبد
الواد زعل ورأى أمه معجبهوش
ازاى تقول البنت دى متشبهوش
قام راح خطبها من ورا أمه ومستناش
وبعد سنة اتجوزوا ولوحده عاش
ومراته قوته
على امه قسته
خليته ساب بيته وراح لها
أمه بعد عنها
مبقاش يكلمها
ولا يوم سأل مالها ولا حالها إيه
الدنيا دى
مش كل ايامها هنا ولا راحة بال
الواد تعب
وطلع مريض ومرضه فوق الاحتمال
تعبان وكل حتة فى جسمه بتوجعه
يصرخ يقول الآه ومين هيسمعه
ومراته قالولها ان العلاج مش هينفعه
طلبت يطلقها يااما هتخلعه
محجوز فى مستشفى
مفيش امل يشفى
محتاج لعملية ومفيش بديل
تايه فى غيبوبة
فوق وبصعوبة
وعيونه مرعوبه بيبص مش فاهم
قالوله امك اتوفت
وبعمرها ضحت
واتبرعت ليك علشان تعيش إنت