كلمات مهرجان كله بقا مصدق نفسه عمر ميمى
ما اتصدمتش أصل عارف
من أفعالكوا كنت شايف
سيبتكوا كده بمزاجي
قولت أغير فيكوا أجازف
ابعدوا قفلت بابي
كنتوا سطر من كتابي
فات وعدى خلاص معادكوا
دوقوا يوم مر غيابي
كله بقا مصدق نفسه
امتى بس في يوم هتحسوا
ايوه انا اللي اتشقلب حاله
اللي جاي على موت هادهشكوا
أصلي براند دماغي شغالة
مش كلمتين ع الواتس في حالة
جينا الدنيا نسيبلكوا بصمة
بالأصول عايشين رجالة
دايرة شمال وبتوع حوارات
ربك يديهم إشارات
ومفيش فايدة معاكم امتى
هتبطلوا شغل استعباط
اللي فاكر انه شاطر
كان زماني جايلي عاطل
اتعلم ازاي يتكلم
واتكبر بقى فيها يماطل
غيبنا فترة شوية حبة
مشيناها معاكوا محبة
سكتي بقى غير سكتكوا
طلعتوا عالم نص لبة
اتهلكنا عشان سلكنا
كنتوا عايشين جوه بيتنا
بس بيعتوا العيش والملح
امشوا غوروا من طريقنا
اتعاملت بحسن نيه
طلعوا شوية ناس غبية
همهم بس الفلوس
والعقول مهلبية
بابا الأبطال وكلام مخيف
اللعب عاللي يشيل يا خفيف
تعالى فى ارض تكون محايدة
بلاش تعملي فيها نضيف
ندل خاين لما جابها
حبته راح باعها وسابها
مش رجولة انت صورة
بكرة راح تندم علشانها
ليه بتكسر قلب حبك
كل لحظة بتبقى جمبك
انت ايه يابا جوه قلبك
اسود بلاك ضاعوا حبايبك
اللي بيخرج من حياتي
باعتبره اصلا ما جاش
واللى كان زمان بيهاتي
سعره دلوقتي ببلاش
واللي بيتعب واللي بيشقى
مهما اتأخر بكره يلقى
هيا معادلة عليكوا صعبة
انتوا بالنسبالي لعبة
ع الرايق قاعد بتسلى
ياللي تمامكوا طبخة في حلة
والبواقي عارفة مكانها
بتترمي في باسكت سلة
في النهاية هيا سيره
معروفة الناس الأصيلة
واللي يشبهوا معروفين
سرسجية وعالم بيئة
مش نافعة معاهم نضافة
عالم ضايعة وف الكنافة
نضفناهم كبرناهم
نسيوا كرم الضيافة
اسمي ميمي في كل حتة
وانتوا صيني بربع حتة
شندي مصر جاب الخلاصة
انتوا بالنسبالي لعبة
كلمات مهرجان اسبونج بوب عمر ميمى و اكرم الجوكر