كلمات اغنية السادة الكرام طارق الشيخ
أيها السادة الأفاضل أيها السادة الكرام
اللي قاعد واللي فاضل واللي حاضر واللي قام
ايها الدنيا الحزينة يا اللي غاويه تعذبينا
ارضي عنا وحسي بينا وارحمينا عشان حرام
عايشينها وماشيين بالعافية
ظلمتنا وجيبا لنا الكافية
قتلت فينا النية الصافية والطيب مش جاية معاه
بتبدلنا وبتغيرنا وبتغلبنا وبتخسرنا
بتحب تذل وتكسرنا وتعذبنا يا حول الله
بتعدي السنين وتمر ما فضلش إلا طعم المر
والطيبة بقت بتضر وبنتعاير بيها
الحلو اللي فينا اتهد وما حدش بينفع حد
واللعبة اللي قلبت جد جابت عاليها واطيها
ع الفرحة اللي مش بتم والدنيا اللي ماشية تلم
والناس اللي كلامهم سم واللي رمانا عليهم
الحزن اللي نازل قش والضحكة اللي ما بتكملش
عالم عايشة بمليون وش كره الدنيا ماليهم
على بعضنا بنقسى اتفرج والدنيا عمالة تهرج
وبقينا عبرة لكل الناس واللي ما يشتري يتفرج
ما بقاش في واحد حقاني ولا حد حاسس بالثاني
حتى اللي مجني عليه برضو دلوقتي بقى شبه الجاني
أيامنا عدت بخسارة
والقسوة فاكرينها شطارة
والكل بقى ياكل بعضه يا خسارة ع الناس يا خسارة
إنفضت القعدة الحلوة والدنيا والناس الحلوة
الكل ليه الإيام دي واخذينها بالصوت والقوة
ما فضلش زي زمان لمة ولا حد حتى عليك سما
الناس زمان غير دلوقتي متبدلين ما بقوش هما
الطيبين راحوا في الرجلين
ما فضلش غير بس الخاينين
والحق تايه وسط الناس ولا حد عارف مين مع مين
الظلم ماشي الإيام دي والغدر بقى سوقه معدي
وإن كنت خاين يحترموك تكسر عينيهم هتعدي
علشان غلابة اتبهدلنا و وقعنا كثرت سكاكينا
وأقرب ما لينا وحبايبنا كانوا هنا أول مشاكلنا
كلمات اغنية السادة الكرام طارق الشيخ
كلمات اغنية سكوتي طارق الشيخ