كلمات اغنية نمشي من هنا أبيوسف

نفسي تاخديني من إيدي ونمشي من هنا ما نرجعش
نفسي أبطل أفكر أو حتى الفكرة ما توجعش
والإحساس إني مش هبقى حاجة يبطل يجي كتير
ما أفتكرش اللي مش عايز أفتكره كدا بتفاصيل
مش طالب أحلم دا مقابل ما يجيليش كابوس
أو إن بشكل ما كل اللي ماتوا معانا ما ماتوش

بحب لما بتتكلمي وما تتكليميش
عقدة فيا بتخليني أحبك لما ما تحسيش
نفسي تاخديني من إيدي ونمشي من هنا وخلاص
مش عايز أرجع على هنا تاني إعترافات
مش مستني منك حاجة ومش بصدق إني أتحب
مش هصدق علشان بكذب على نفسي إن أنا حد

الذكرى الشئ اللي متبقي مش عايزها تعيش في قلبي
نفسي أعرف أكلمها زي ما بكلم نفسي
مش فاهمها ومش فاهماك
لا إنت بتحس ولا حساك
كل شئ بيروح وبيجي عادي إلا الإكتئاب
كله إلا الإكتئاب

دي شخصيتي اللي في الفيلم
ومن غيرها مش بتصرف مش بتعامل مش بحل
مش هتأثر مش هتغير مش هتحسن، مش مشكلة
نفسي تاخديني من إيدي دي ونقوم نمشي من هنا