![كلمات اغنية دماغ راجل محمد رأفت](https://elteeta.com/wp-content/uploads/2024/04/كلمات-اغنية-دماغ-راجل-محمد-رأفت.webp)
كلمات اغنية دماغ راجل محمد رأفت
دماغ راجل
من أول دبة على الأرض وأول نفس وحطة إيد
الجري والشقى فرض والدنيا هتضرب بحديد
وانا مش بتكلم ع اللي اتولد ف وسط بزخ وحرير
كلامي ع الشقيان اللي جايبها من تحت سابع أرض
كونك الراجل تتحمل وتسندل وتعارك الوقت
بجري ورا حلم ملامحه ماتتحددش بحبة وقت
ومطلوب هتكمل جت ف سنين أو حتي هتيجي دلوقت
وف وسط ده كله في لقمة عيش وعمر بيجري وراك
جري وتنطيط ومعافرة وضرب في كل الإتجاهات
مليت الكراسة الصفرة أحلام خطط وأمنيات
أوفر تفكير ممتد معايا لحد ساعات النوم
ومعكر كل مزاجي سامع في دماغي صريخ في سكات
وانا مش فرفور وبعيط
عايش بلضم وبخيط
كل البيبان دي بخبط
وبرضو مابتقربش
ومن أول لحظة ف عمري
وانا طالع عيني وبجري
بتعارك مع قلة صبري
وبمثل اني مابتعبش
من يومي وانا عمال بفرك عشان اطلع بره المألوف
وبدوس ف الصعب واعدي وبسلك ومابعرفش الخوف
والدنيا مش عايزة اللي بيزهق خلقه يضيق على طول
لا عايزة اللي نفسه طويل مابيتعطلش بأي ظروف
اللي اتعود ع الشقي عمره مابيلاقي في الراحة أمان
واللي دماغه متعلقة على حلم يموت علشانه كمان
وانا مهما السعي تعبني مكمل عمري ماهبقي جبان
وانا عندي شيطان لو طلبت وقفة وقفلة مايتوصاش
وانا مهما الدنيا هتضرب هضرب ونشوف آخرنا فين
وا نا بما اني اتحطيت مش راجع لو هيحصل ايه
جري وتنطيط ومعافرة وضرب في كل الإتجاهات
مليت الكراسة الصفرة أحلام خطط وأمنيات
أوفر تفكير ممتد معايا لحد ساعات النوم
ومعكر كل مزاجي سامع في دماغي صريخ في سكات
وانا مش فرفور وبعيط
عايش بلضم وبخيط
كل البيبان دي بخبط
حتى لو مابتقربش
ومن أول لحظة ف عمري
وانا طالع عيني وبجري
بتعارك مع قلة صبري
واصلا صبري مايعرفش
كلمات اغنية كاريزما محمد رأفت