![كلمات اغنية هخرجني وهفسحني امين خطاب](https://elteeta.com/wp-content/uploads/2024/05/كلمات-اغنية-هخرجني-وهفسحني-امين-خطاب.webp)
هخرجني وهفسحني كلمات
اتعودت خلاص ع الوحدة
وقافل بابي ب 100 ترباس
مانا عايش وسط بشر جاحدة
مفيش فيهم ذرة احساس
كلها ليه واقفالي ع الواحدة
بجد انا كاره كل الناس
طول الليل مسحول مع كاسي
بكلم نفسي من التفكير
انا تعبان جدا وبقاسي
وشوفت عذاب في حياتي كتير
هبعد عنكو واريح راسي
طلاما مفيش منكم تقدير
كفاية لحد كدا تجريح
وكتر خيركو يا اخواتى
بقولهالكو ومعاكو صريح
ومش هتشوفو رناتي
وجودكم جنبي كان تفاريح
خلاص كشفتكو ازماتي
راقد اسبوع في بيتي بموت
وكبت الدنيا كان جايلي
مبسمعش لواحد فيكو صوت
مفيش رنات على موبايلي
مجرد ما تشوفوني في تابوت
هتعرفو قيمتي يازمايلي
كاتم كتير جوايا وشايل
كمية احزان بالكوم
ع الأيام عمال بتحايل
بقى بصعوبة بيمشي اليوم
ع الخدين بحر دموع سايل
عيني مبقتش تشوف النوم
امتى الدنيا بقى هتضحكلي
مش مكتوبلي اني افرح ليه
انا مخنوق من كتر مشاكلي
وقلبي محدش حاسس بيه
زعلي عليا مدمر شكلي
تعبت انا هوصل تاني ل ايه
من اللي بشوفو متحير
من الصدمات بقيت مذهول
اعز الناس بتتغير
خلاص مبقتش ماشية أصول
تايه بين خلق بتحور
ومن كل البشر مقفول
بناقص منها جدعنتي
بناقص منو تقديري
ماشفتش جدعنة بسانتي
دانا في كلمة اتنكر خيري
لبست عليكو نضارتي
وكلو هيتعامل ميري
الحنية جابت مرازية
الطيبة جابتني لسابع ارض
شوفت خياني شبعت اذية
الخير بالشر معايا اترد
كنت معاكو مصفي النية
وعمري في مرة ما جيت على حد
للدرجة دي انا هونت عليكم
إنتو اكيد مش بتحبوني
دانا طول عمري واقف جنبيكم
ازاي اخوكم و بتنسوني
مش هتضلم من بعديكم
اصل مش انتو إللي هتحيوني
هقرب حبتين مني
وافضفض ويايا شوية
هصبرني و هكلمني
وهمسح دمعي بأيديا
من نفسي تاني مش هحرمني
وربنا يخليني ليا
هخرجني وهفسحني
في اي مكان يجي في بالي
وهبسطني وهفرحني
و اروق حبة على حالي
تعبت في يوم هريحني
معلش انا إللي هقولهالي
مكنتش عايز حاجة منكو
كنت عايزكو بخير وسلامة
بس الظاهر إللي يحبكو
بيدفع على تقديرو غرامة
دا اللي يفكر يسلكلكو
يستاهل مليون جزمة
انتو معايا ولا انتو عليا
انا مستغربكم بأمانة
اصلي شايف جحدان بعنيا
وبتعاملوني كلكو بخيانة
مضطر ابعد عنكو شوية
نفسيتي منكم تعبانة
مكنتوش جنبي في الاحزان
ليه في الافراح تشاركوني
مفيش ليكو في حياتي مكان
نسيتكم مانتو نسيتوني
خلاص مبقتش زي زمان
والبركة فيكو حولتوني
ليكم مصلحة بترنو
ولو مالكوش بتختفو
محبة مين مفيش منو
بلاش بالعشرة تحلفو
الصح ماسمعتوش عنو
و على جدعان بتكرفو
الحوت لما بيتعب و يموت
البحر على الشط بيرميه
برضو الإنسان غدار علشان
اول من أمنو بيغدر بيه
دنيا خاينين مين باقي على مين
مبقاش فيها مخلوق واثقين فيه
بنشوف من اقرب ناس في حياتنا
مواقف عيب والله نحكيها
أصحابنا اللي المفروض اخواتنا
العشرة ازاي بيدوسو عليها
ياخسارة العمر سرقنا وفاتنا
سنين ضاعت ولا حسينا بيها