البطيخ

كلمات اغنية البطيخ محمد عطية

انت نجم في إعلاناتك بس أنا سلطان زماني
انت عايش طول حياتك على أمل تاخد مكاني
أحمر أخضر أبيض أسود ألواني تخليك تعاني
انت لو فهمك تقيل عادي جداً أقولها تاني

إسمي قبلك من سنين شوفه حتى عالخرايط
مهما تدفع في الكاشات مهما يابا تجيب وسايط
إسمي أكبر من كيانك إنت ليه محروق و شايط
Say my name
البطيخ
You’re Goddamn right

ده حمار و حلاوة
سكر و نقاوة
عالسكين يابا
غني ورايا للبطيخ
البطيخ البطيخ البطيخ

طعمك انت أصله ماسخ
طعمي أنا سكر مكرر
في التاريخ أنا ميت كتاب
و إنت سطرين في المقرر
انت نسخة فاشلة مني
أصلي أنا و انت المكرر
ما إتخلقش اللي ينافسني
يلا يابا طريقك اخضر

ده حمار و حلاوة
سكر و نقاوة
عالسكين يابا
غني ورايا للبطيخ
البطيخ البطيخ البطيخ

الشيطان وز في دماغك
فهمك إني هنخ
روح بعيد إلعب يا شاطر
كخ بس بس كخ
انت جاي أرضي تلاعبني
روق هتلبس أحلى فخ
لما أقولك هش تسكت
لما أقول بخ تبخ

ده حمار و حلاوة
سكر و نقاوة
عالسكين يابا
غني ورايا للبطيخ
البطيخ البطيخ البطيخ