في الفريج

كلمات اغنية في الفريج اسعد البطحري

في الفريج أحب واحد وحبيت الفريج
لين صاروا كلهم غالين عندي من غلاه
والطريق اللي تودي صوبهم حب الطريق
الاتجاه اللي مفضل على كل الاتجاه

ما أفيق الين اروح بدربهم والله أفيق
للزياره اللي ترد الروح لا شاهد مناه
كلما أشوفك يهون علي من الحريق
وباقي النيران حبك ما تطفيها المياه

يا حبيبي في غيابك نشف دم ونشف ريق
يالوحيد اللي هويته وعذبني هواه
يا حبيبي لو تكرمت في صدري تويق
لين تعرف ويش لي سويت فيا من السواه

بس يكفي لا تزيد الصوب في الجرح العميق
خلني أعيش في الدنيا على قيد الحياه
أنت لايق في عيوني غيرك ما يليق
انت حسنك من يشوفه يشد الانتباه

يا نعيم الطرف والعود والعنق الدقيق
انت خذت الزين كله وشليت الحلاه
خلني غرقان في حبك وسميني غريق
لين تنقذني من الطوفان إلى بر النجاه