كلمات اغنية غيبتك فايز الدوسري
ياغايبه وش حدني لـ اشهب الاال
وكثر المساري والدروب الكئيبه
غيبتك ماخلت للافراح مدخال
وراسي من التفكير قد بان شيبه
لكن ماغابت طيوفك عن البال
في كل ليله تعترض لي كتيبه
سبعت سنين وكنها عدة ليال
مرت وراحت والضماير عطيبه
الهم في صدري من الجال للجال
اثقل علي امن الجبال الرقيبه
واليا طرالي وجهك وحبة الخال
وذيك الوصوف الفاتنه والعجيبه
اسج فالتفكير وتشين الاحوال
وتضيق فّي الارض لوهي رحيبه
ماغير انحر موتري ذيك الاطلال
وعيني منام الليل مااتهتنيبه
راحت حياتي بين رحله وترحال
ماكني الا من يدور ذهيبه
متمني الراحه لو ارخص لها المال
واثر التمني مايجي ب الغصيبه
عزالله اني معرب العم والخال
واحل عسرات الامور الصعيبه
لكن حبك عذب النفس والحال
غليبتن ياكبرها من غليبه
ليت الفراق الي حصل طيش واهمال
مير البلا والمشكله والمصيبه
قفى نصيبك وانتهت كل الامال
وكلً على ماقيل ياخذ نصيبه
كلمات اغنية غيبتك فايز الدوسري
كلمات اغنية الليل العتيم فايز الدوسري 2021