كلمات اغنية ياناس ياشر محمد سلطان
ياللي بتبصوا في عيشتنا انتوا عايزين منا
ايه ليل نهار جايبين سيرتنا ومش سايبنا في حالنا ليه
إرحمونا خلاص تعبنا من عينيكوا الوحشه دي
وشيلوا عينكم من حياتنا وسيبونا بقي في اللي إحنا فيه
مش كل ما ربنا يدينا تغيروا وتغلوا
والنعمه لما تبان علينا تبقوا هتتجنوا
ياناس ياشر كفايه قر من أذانا هاتاخدوا ايه
دا العسل بقي طعمه مر من كتر بص عينيكوا فيه
اللي باصصلنا في لقمتنا يارب اكفينا شر عنيه
واللي بيحسدنا على راحتنا اللهي ربنا يشقيه
واللي مش طايق سيرتنا يارب كره نفسه فيه
واللي نيته من ناحيتنا سوده زيه إقلبها عليه
واللي مالهوش شغله وفاضلنا إشغله عننا والهيه
وبدل ما فينا عمال يرازي ارزقة باللي يرازيه
مستكترين الدنيا تضحك لينا ليه ونفرح يومين
هي ليه الكحكه عجبه تملي في إيدين اليتيم
صعبان عليكوا ليه تشوفونا فرحانين ليه ومبسوطين
دا احنا طالع عين أبونا وتعبانين مش مرتاحين
الرزق لما يدق بابنا تبقوا عايزين تمنعوه
و كل قرش يخش جيبنا تبصوا فيه وتنظروه
حلوا عنا حرام عليكوا دحنا في القرش شقيانين
وبطلوا الغل اللي فيكوا وارحمونا من دي عين
اللي باصصلنا في لقمتنا يارب اكفينا شر عنيه
واللي بيحسدنا على راحتنا اللهي ربنا يشقيه
واللي مش طايق سيرتنا يارب كره نفسه فيه
واللي نيته من ناحيتنا سوده زيه إقلبها عليه
واللي مالهوش شغله وفاضلنا إشغله عننا والهيه
وبدل ما فينا عمال يرازي ارزقة باللي يرازيه