![كلمات اغنية الغربة شادي البوريني و قاسم النجار](https://elteeta.com/wp-content/uploads/2022/01/كلمات-اغنية-الغربة-شادي-البوريني-و-قاسم-النجار.jpg)
كلمات اغنية الغربة شادي البوريني و قاسم النجار
كلمات اغنية الغربة شادي البوريني و قاسم النجار
ع المربع لاقيني
وعن الغربة حاكيني
مع قاسم والبوريني
يتجلى القلب الحيران
المتغرب شو بده
بده أهله يكونوا عنده
يفطروا سوا ويتغدوا
ويرجع كلشي زي ما كان
المتغرب بده حبابه
تعبت بالغربة أعصابه
بده يقعد مع أصحابه
مشتاق يسلم ع الجيران
مابده وصفة من جوجل
بده طبخة أمه يوكل
صحن الرز يكون مدوبل
والشوربات أشكال ألوان
متغرب مركن ع حاله
وكبير أحلامه وأماله
والغربة أيامه طالو
والعمر يجري طيران
بالغربة فش استهتار
بدك تتعب ليل نهار
راح الصاحب المغوار
اللي بسندك وأنت طفران
يا غربة غربتينا
عذبتينا وسوسحتينا
بأولها ضحكتينا
ع اللواه ترجع يا زمان
مزبوط بيلقى الحرية
وفرصة أحلامه الوردية
بس القلوب النقية
ما بيلقاها وين ماكان
المتغرب ما بتغير
بيشوف بهالدنيا أكثر
حتى بيصبح أقوى وأصبر
والغربة بدها جدعان
المتغرب رافع راسه
دوم بيتذكر إحساسه
لما ودع أهله وناسه
وغرقت بدموعه الأجفان
اللي بالغربة بتشوفه
الله اللي بيعلم بظروفه
بيزيد على أهله خوفه
كل ما أبعد عن هالأوطان
اللي تغرب قلبه محمل
مر الغرية ياما تحمل
تا يبني ويصنع مستقبل
ويعيشو ولاده بأمان
واللي بالغربة حياته
يخرف لولاده وبناته
عن أيامه وذكرياته
والشوق بقلبه شعلان
الغربة وظروفها غير
ضغط وجهد وتعب كبير
لكن بالغربة بتصير
اقوى وطاقاتك بتبان
سمعت المغترب بيحكيها
الغربة شو بدنا فيها
وشو اللي أجبرنا عليها
لولا حال البلد التعبان
يا بيه الغربة مقساها
ويا الله بلادي محلاها
مشتاق اتنفس هواها
حبها بيغلي بقلبي غليان
والله في بلادي كزدورة
أحلى من كل المعمورة
إلها جوى القلب صورة
مش ممكن يمحيها زمان
يا ريحة زعتر بلادي
بتعطر قلبي وفؤادي
والدحية وصوت الحادي
ع غيرها ما ببقى طربان
مشتاق أوكل هيطلية
واشرب شاي بميرمية
واقعد مع الختيارية
واسمع خراريف النسوان
بالغربة في أشيا احلى
بتنادينا أهلا وسهلا
بس الوطن بيبقى أغلى
وغربتنا رحلة إنسان
فعلا إنها الغربة رحلة
صعبة مهما كانت سهلة
بتهون لو فيها اهلي
وبيوت الحارة والحيطان
كلمات اغنية الغربة شادي البوريني و قاسم النجار
كلمات اغنية الغربة شادي البوريني و قاسم النجار