كلمات اغنية ادي الناس عمرو ابو النجا
أدي الناس
اللي كنت تملي فوق الراس
شايلهم
و اللي كانوا بيصلبوا علي ضهري
حيلهم
كانوا أول ناس في فرحي
بروح داعيهم
راحوا أول ناس في جرحي
لحال سابلهم
أدي الناس
اللي دون الناس جميعاً
قولت ناسي
طلعوا توب دايب قديم
مش جاي مقاسي
كنت سايب نفسي ليهم
و مأمنهم
شوفت منهم غدر شيب
شعر راسي
أدي الناااس
خلق صفرا قلوبها شايله
يخدعوك بطريقه هايله
قلت عزوه و أهل ليا
طلعوا اصلاً حيطه مايله
دول خانوني و زاد و غطا
قسموني حته حته
اللي قالوا هنبقي ضهرك
نزلوا و في أول محطه
و أدي الناس
وأنا لوحدي بداري في وجعي
و همومي
صاحبت الحزن بقي عشره
و مبيسبنيش
بعدي الوقت و أستني
يفوت يومي
و ميت بس من برا
بحاول أعيش
اللي كنت عشان خاطرهم
بس بحيا
فتحوا أبواب العذاب
من كل ناحيه
اللي ياما سهرت ليلي
عشان خاطرهم
سهروني الليل بقلب
جروحي صاحيه
أدي الناس
اللي كنت بنام و أقوم
عامل حسابهم
هاتوا حد يقول عليا
في شده سابهم
بابي كان مفتحلهم عالناحيتين
جم في أصعب فتره
قفلوا في وشي بابهم
و أدي الناس
خلق صفرا قلوبها شايله
يخدعوك بطريقه هايله
قلت عزوه و أهل ليا
طلعوا اصلاً حيطه مايله
دول خانوني و زاد و غطا
قسموني حته حته
اللي قالوا هنبقي ضهرك
نزلوا و في أول محطه
و أدي الناس
كلمات ادي الناس عمرو ابو النجا
كلمات اغنية انتو اي كلام عمرو ابو النجا