كلمات اغنية اسود الحرب محمد البصيلي
بسم الله خالق الكون بدينا القاف الموزون
من دعاه كربه ايهون سبحانه ربي الرحمن
اربوعي الترابين عسروج الخيل ربيانين
للفزعة دومن جاهزين ايردو الغارة بثنتين
اقلوبهم قاسية ماتلين ومايرحمو الخوان
الهرج الطيب لجيبه من شاعر لعيون صحيبه
مر طيبه يالنشمي طيبه للي انا وياه أخوان
للي فالشدة وقفاته إحصانه ماحدا فاته
وسواته يازين سواته تشهد عسواته عربان
عربان بتشهد عأفعاله بيرد الغارة من حاله
عالأشقر وأبوسياله عالأشقر وأبوسياله
فارس عيقيد الخياله بودلدول رمز وعنوان
عقيدهم أبودلدول ترباني ورابي عأصول
أسعلو سروج الخيول يا كم فازو في ميدان
مرباهم في شمال سينا اذيابة غاليين علينا
ياكم بيهم تيلاقينا فالمقضبة والريسان
ياكم خاضو من معارك ياخذو غريمهم علحارك
كبير وصغير يشارك نشامة كلهم شجعان
نشامة كلهم نشامة بالعالي صقورن حوامة
افعالهم كلهي شهامة لازودن ولا نقصان
في مدحه نظمت القاف وحكمت معنى الخراف
إمأصل من ناس إشراف إمأصل من ناس إشراف
جسار وقلبه مايخاف حيك رفيقي اسليمان
حيك يا رفيقي الغالي بو عمر عز الرجالي
عزيز ومقامك عالي يسلملي ذيب الوديان
يسلملي الرجل الثقيل أبو عمر الأصيل
رفيق الدرب الطويل مايغيره طول الزمان
يومنه نادا المنادي قبو نحرر الابلادي
لبو وحضرو عالميعادي اسليمان مع الأجوادي
كاسرو خشم العدوان
مع رفيقه ابن جهامة جمعة منبع الزعامة
ايحيه وايحي ازلامه مثل الصقور الشيهان
جمعه ابومحمد الذيب عز الرفيق والقريب
من نخاه عمره مايخيب وحصانه مازيه حصان
اثنين ايسدو عن مية فالفزعة عز النخية
ولا بيهابو المنية اقلوبهم حجر صوان
الله يديم القرايب اللي مافيهم الخايب
ليهم فالميدان ركايب نيران بتلحق نيران
سلامي على الاجوادي في كل ديرة وكل ابلادي
وصلاتي عالنبي الهادي نبينا الطه العدنان
كلمات اسود الحرب محمد البصيلي
كلمات اغنية زمن عجيب محمد البصيلي