كلمات أغنية يمحلا لمة القرايب محمد البصيلي
أحلا صباح ومسية لأهل الفزعة والنخية
مني مليون التحية معطرة بعطر الورود
اكتب ياقلم قيفان في مدح الرجال الشجعان
إبعالي السما شيهان والصيد تحتهم مرصود
سواركة طيبن عطيب سواركة يعزز أطينيب
حي اذياب المراقيب اشهد ماعليهم زود
سواركة للفزعة ارجال شيالين احمول اثقال
مافيهم شينة تنقال ياصيتهم دومن محمود
معروفين يوم الفزعات آجواد ي الثلاث سبعات
والقول الطيب مافات من بعد الفعل المشهود
مشهود فسود الليالي حتى لو الوقت مالي
تلقا السواركة الرجالي بالفعل الغانم اتجود
حي السويركي الجسار بسيفه يضرب شرار
يومن الخيول تندار من دون النصر مايعود
أحمد ابوراشد هيه عالا سرج المعنقية
فارس طموحه قوية والخطا عنه مردود
يالزئبق شديد الباس افعاله كلهي عساس
أبوراشد رافع الراس يمشي ولا يهمه احدود
حيك يابوراشد حيك فالنخوة مافي اللي زيك
سند قريبك وأخيك عشانهم ثار البارود
مبدانا زمان معروف العزة بضرب السيوف
من يمين مايعرف خوف ولا بنرافق جبان
العز فعل ماهو قول يومن تصهل الخيول
خسران وروح مذلول عدو الزئبق خسران
ربعه شجعان فالمعارك السبع والذيب يشارك
نشامة ارجال السوارك زي النار وسط الميدان
اكتب ياتاريخ امجاد عن السواركة الاجواد
ثلاث سبعت ربع بواد معروفين بين البدوان
في مصر والسعودية والمملكة الهاشمية
وفلسطين سربة قوية مايفرق بينا مكان
يمحلا لمة القرايب يومنا نشد الركايب
ونخلي غبارهي سحايب ونخيل وسط الوديان
كلمات مجرودة يمحلا لمة القرايب محمد البصيلي
كلمات اغنية مراجلنا تشهد لينا محمد البصيلي