كلمات اغنية السنه عيدين محمد المنهالي
في السنه عيدين والثالث لقاك
يوم اشوفك وألتقي بك يوم عيد
يا حبيبي كل همي في رضاك
وانت تدري لا تعيد ولا تزيد
شدني صبحك ويبهرني مساك
وانا من طين البشر ماني حديد
ذبت كلي فيك واتعبني عناك
ان كتب لي سحر في عينٍ وجيد
في جمالك من اسلوبك من دهاك
صرت لك طايع وانا طبعي عنيد
وكل ما تدني من الموعد خطاك
قادني حبك مثل مانته اتريد
المغيب يغيب في بسمة شفاك
ويشرق بخدك ضيا فجرٍ جديد
ومن بهيم الليل غطاك وكساك
على عودٍ ناعم وخصرن جليد
والله اكبر من غلاك ومستواك
منتشر في الدم تمشي في الوريد
دون لا استئذان يجرفني هواك
وارسي بمرسى غرامك لو بعيد
انت من طين البشر ولا ملاك
كيف صاغك خالقي عقدٍ فريد
كلمات اغنية غرني محمد المنهالي