كلمات اغنية غريبة طارق الشيخ
غريبه غريبه
في حاجات غريبة بقت جوانا للأسف الشديد
عن حياه بنعيشها لكن وليه هنروح بعيد
محدش فينا بقى فاضي للتاني
محدش فينا بقى داري بالتاني
آه بقى داري بالتاني
بقى كل واحد فينا عايش جوه نفسه لكن وحيد
عنده أهل وناس وعزوه بس كله خلاص بعيد
ياللي شايفين السعاده من بعيد
ده إنتوا قلبتوا المواجع من جديد
في حاجات غريبه
أدي القلوب متفرقه
والناس أهي متبعزأه
بقت خلاص جوه البيوت
زي الحيطان متشققه
بقينا شكل ومنظره
وضحكه طالعه مزوره
حتى خلاص بقت النفوس
هي كمان متغيره
حاجات غريبه بقت فينا
مبقاش في حاجه مضمونه
ولا ناس عاقله وموزونه
صور ع الرف مركونه
أصحابهم بقوا أغراب
ده صحيح البطن قلابه
بتجيب شياطين وغلابه
ما بينهم تركه متسابه
مقفول عليهم باب
الناس معرفش ليه على طول معانا مركزه
ده يا دوب حياتنا صعبه وماشيه
زي المعجزه
باصين للي في إيدينا وهو ده اللي يهمهم
قاعدين وبيحسدونا وقالوا ناس متعززه
وليه الدم معدش يحن وليه الكل طلعله أنياب
ليه بنحور على بعضينا وليه الطبع يا ناس غلاب
ليه الدم معدش يحن وليه الكل طلعله أنياب
ليه بنحور على بعضينا وليه الطبع يا ناس غلاب
حاجات غريبه بقت فينا
هموم بالكوم محاوطانا وناس في دماغها حاطانا
حاجات هي اللي رابطانا هنهرب نروح على فين
علطول عايشينها بصعوبه ونبات ودماغنا مقلوبه
ما برده الرحمه مطلوبه ولا إنتوا يا ناس جاحدين
الناس ليها المظاهر واللي ظاهر مننا
مالهمش هما دعوه بأي حاجه تهمنا
النيه الله أعلم بي اللي فيها وكلنا يكفينا في النهايه شر نفسنا
ياللي خلاص مش فارقه معاكم تاكلوا حرام أو تاكلوا حلال
لو ع الرزق ما كله بيرزق عمر الرزق ما كان بالمال
ياللي خلاص مش فارقه معاكم تاكلوا حرام أو تاكلوا حلال
لو ع الرزق ما كله بيرزق عمر الرزق ما كان بالمال
حاجات غريبه بقت فينا
كلمات اغنية الشيطان طارق الشيخ