![كلمات اغنية هجن سلام جفران بن هضبان](https://elteeta.com/wp-content/uploads/2022/09/كلمات-اغنية-هجن-سلام-جفران-بن-هضبان.jpg)
كلمات اغنية هجن سلام جفران بن هضبان
هجن سلام
للفخر عاشق وللعز رواد (ن) كثار
والنصر من يتعب من اجله يرف علمه
والهجن عز لاهلها رفيعين الوقار
الزحول الي تجمل نهار الملزمه
مثل فهاد المراجل عسا راسه مجار
ابلج هرج المجالس بطيبه واكرمه
صامل الميقاف رجل المهمات الكبار
حي راس يدرك الطيب ماهوب ارخمه
صامل الفزعات واسمه فخر في كل دار
ارجح تجري حمايا الطناخه في دمه
محزم الفهاد لاسمه مكانه واعتبار
ولاهل الهجن الاصايل وجوده مكرمه
مثل وجمل وحقق صداره وانتصار
ونومس اللابه عسا لابته ما تعدمه
فالميادين الكبيره حدث واقع وصار
فالرموز الموسميات ما ضاع اسهمه
فالسعوديه وابوظبي والدوحه جهار
حقق انجازات وارها بكسب الاوسمه
في بداياته للاشواط يعلن لاحتكار
اربطو يامالكين النوادر الاحزمه
عنده من الهجن ما يجعل خصامه دمار
ندر تاخذ من الخيل والادمي سمه
صوبها الترشيح يهدا قبل رفع الستار
وفالنهايه تبعد من الهجن متقدمه
كل اصيل ركضها مثل الاسحم فالمغار
كبر جوف وطول غارب وورك مبرمه
من رهاها كن ثرى لارض تحت الخف نار
كل تيم يخبرونه قديم اتحطمه
مشترى اللي باخس فالاصايل والضمار
خبرته صوب المنصات عصر اتقدمه
افترد عبدالعزيز بمعرفه واقتدار
ولد محسن حظ منهو سنده ومحزمه
شامري له علوم الوفا منهج وكار
وفي ميادين التحدي خصيمه يفحمه
في حضوره عنه الاخصام تاخذ فاليسار
المماري في نهار التحدي يلجمه
كلمات اغنية ضلع طويق جفران بن هضبان