كلمات بث مباشر
بث مباشر
قررت اعمل بث مباشر
لحياتى اللى انتو مراقبينها
واعرضلكو لقطات من وجعى
مع حبه تفاصيل عايزنها
واعرض فيه كل اللى شاغلكو
واعرى همومى وابينها
هفتح قلبى وخشو وشوفو
شاركو جراحو وعيشو ظروفو
خليكو واياكو تملو
وسط مواجعى عايزكو تطوفو
عايز بقا لايكات وقلوب
واكتبو كومنتات تواسينى
واتفاعلو وحسواللى حسه
واعملو بحث لدمه عينى
احكو عني
بعد ماتشوفو اللي فيا
فسروني
واوعو تنسو
تبقو للجيل اللي طالع
تشرحروني
عايز بقا كم مشاركات
يمكن الاقى حلول لمشاكلى
وابقى اشهر واحد متعزب
والناس كلها تعرف شكلى
واياكو تنسو تعملو تاج
عايز كل الناس تتفرج
عايز كل الناس تتفاعل
مع واحد ميت بيهرج
كلمات اغنية عجيبه احمد العدوى