كلمات اغنية مراسمها الاميريه فيصل المداريه
لعيون بنت لها عامين هجريه
عيت عيوني لا تروى من محبتها
عديت رجم تمره كل عصريه
نسمة هبوبٍ تجي من يم حروتها
هبت شماليه وهبت حنوبيه
بالاتجاهين مرتني ومرتها
قدام لكتب قصيدتها الغزليه
تسللت بين مطلعها ووقفلتها
بنت لا قامت تزيد المشي حنيه
تاطي على القاع كنه قبر جدتها
ان وقفت كنها كتله جليديه
لو تشرق الشمس ذابت من حرارتها
وان دبرت في تبجاح ورفاهيه
وتثيقلت بين خطوتها وخطوتها
قطاة صفراً من الخيل العربيه
لا ماحت بذيلها واومت بقذلتها
وان عرضت كنها وضحى عرينيه
علامة البنك الاهلي فوق خدتها
يالله بحظ من سبيع الحداريه
لا وخذت الابل يضويها برمتها
لو ان هل الضلع الاقصى نارهم حيه
ولا يرعب العايلين الا محاقتها
نحتاجهم في مهمات انتحاريه
الى ركنّا الامور الى حقيقتها
والوضع هذا يبي له دبلوماسيه
سياسته ماتماشى مع سياستها
لابد من وضع خطوات احترازيه
بعض القرارات م نضمن نتيجتها
قلوب اهلها متاريسٍ اسمنتيه
جدرانٍ اشد من جدران غرفتها
اقول فيها القصيد وجرحها فيّه
تستاهل اصنع من احزاني سعادتها
ماغير ابيها تصون عهودها ليه
والا مابي شي مابي الا سلامتها
ان سمحت لي مراسمها الاميريه
وقعت للمبدعين بختم اماراتها