![كلمات اغنية خمس رجالة محمود معتمد](https://elteeta.com/wp-content/uploads/2022/12/كلمات-اغنية-خمس-رجالة-محمود-معتمد.jpg)
كلمات اغنية خمس رجالة محمود معتمد
كنا خمس رجالة مع بعض صحاب وزماله
نفرح نحزن مع بعض
بنحس بنفس الحالة
ماشيين على مبدأ واحد
كلنا هنا راجل واحد
مع بعضينا ضهر في ضهر
عمرنا مابننقص واحد
ودي دخلت واحدة مابينا
أخدت واحد من وسطينا
رسمتله في حضنها جنة
لا وكمان بتوقعه فينا
صاحبي المسكين جات رجله
جنيه وسحرته بعنيها
ببساطة أهي جابت اجله
سابنا صاحبنا ولف عليها
وبقينا أربع رجالة
بنقول لصاحبنا تعالي
هوه في عالم تاني
وهيه دماغها عليه شغالة
سيبناه وكملنا طريقنا
احنا الأربعة على مبدأنا
ومشينا على عهد ما بنا
إن مافيش واحدة تفرقنا
ولقينا رابعنا بيبعد
ولا بتقابله ولا بنشوفه
ونكلمه علشان نسنده
ومحدش عالم بظروفه
وفي يوم بالصدفة نقابله
وشه الاصفر لونه يخوف
واتاري رابعنا بيبعد
سابنا وراح علشان يتكيف
وبقينا تلت زمايل
قاعدين ليل ونهار نتحايل
ارجع يابني من السكة
بس الحال المايل مايل
وادينا رابعنا مصحة
ألف سلامة عليكي يا صحة
وبقينا تلاتة مانشرب
ولا دخان ولا دواء كحة
وتالتنا راح في خناقة
كانت مشكلة مع أهله وناسه
كانت جاية معاه بجرائه
وشيطانه كان راكب فوق راسه
خد خبطه في نص دماغه
وقع وماكنش داري بنفسه
والإرشاد تم بلاغه
هوه ونص العيلة اتحبسوا
وبقينا اتنين يا خسارة
في الاسبوع بنروحله زيارة
ندعيله يفك الضيقة
ونكلمه من على النضارة
طب ليه يا أخويا تتشاكل
ده إنت الحبس عليك مش واكل
كملنا حياتنا اتنين
وبنبعد عن أي مشاكل
احنا اللى بدأناها خمسة
خلاص دلوقت بقينا اتنين
والباقي فارقني في حادثة
ابكي يا قلبي وابكي يا عين
معلش نصيبه وقدره
صاحبي خلاص راح في الرجلين
ويوماتي بروحله أنا قبره
وأقوله يا صاحبي سايبني لمين
مش كنا خمس رجالة مع بعضينا
صحاب وزماله
دلوقت أنا ماشي لوحدي
والنفسية في أسوء حالة
ماشيين على مبدأ واحد
مش باقي منكم ولا واحد
مش لاقي أنا حد في ضهري
ولا معايا غير ربي الواحد
ربي الواحد