كلمات مهرجان عم الجيهه بوده محمد
ثابت ولا شئ يهزني
لو الهرم مال عمري ماميل
ولو جيت يوم تجسني
تلاقيني لسه جدع واصيل
هعيش مجدع واموت مجدع
وليا في اي ارض جميل
طالع من بيت ابويا شبعان
وعيني متجيش في ايد غيري
وعمري ما ابص علي انسان
واقول نفسي وعايز زي دي
عايش ديما راضي بحالي
وبحمد ربي علي انا فيه
عم الجيها
الي رجلي بتنزل فيها
شبشبي يشرف اراضيها
اصل اخوك محبوب
بتشال عا الراس
وسط اي بلد ده اساس
اصل كنزي ده حب الناس
اخوك في ضهره شعوب
زاملت صاحب طلع صيني
وفكرته في يوم بونطي
اتاري العره مماشيني
عشان مصروفه والسانتي
ده سعر الكلب من نوعك
رخيص عن كلب ارمنتي
نزلت اجري لسوق الجمعه
اشوف صاحب مبيبيعش
قالولي انتا طالب سلعه
بقالها كتير منزلتشي
قالولي روح مفيش منو
مفيش صاحب مبيخونشي
مش معقوله
صاحبي باعني بكل سهوله
لما حطو قصادي سيوله
في ثانيه سلمني
غدرك ليا
ياصحبي والله اثر فيا
درسك اجدع م الكليه
اصله علمني
حبيبتي وحب عمري سنين
قالتلي روح وانا هستناك
اخش الجيش يدوب سنتين
طلعت لقيت معاها ملاك
لحقتي يغاليه شلتي السين
من وسط كلمه هستناك
عملتي فيها بتحبيني
وقلبك عمره فيا محب
شابوه ياغاليه كسرتيني
وشبعتيني جرح وكدب
دانا بسببك بنام بببكي
واقوم ببكي يابنت الكلب
باي باي ليكي
يلي كنت بقلبي شاريكي
دانتي حبي خساره فيكي
يلا بالسلامات
غاويه خيانه
سيبتيني وانتي الخسرانه
بكره ترجعي تاني ندمانه
وهيبقا وقتك فات
عايش بين اوجاعي في زنقه
بفوق من هم الاقي هميين
بقضي شهور ليه في الخنقه
وفي الفرحه يادوب ساعتين
فاضل يكتبو في بطاقتي
مكان وظيفتي عايشها حزين
تشوفني بضحك من بره
تقول عايش وباله مرتاح
وجوه بموت ٢٠٠مره
وبتقطع وفيا جراح
في فندق احزان الدنيا
مليش اوضه ده ليا جناح
الي يغور
عادي يجي مكانه عندي طابور
لو دراعي هيبات مكسور
اكسره وميتلوييش
انا مبندمشي
لو هتمشي ياعم ماتمشي
علي الي ضاع مني مبزعلشي
عادي بعده بعيش