![كلمات اغنية الهوى الغربي فلاح المسردي](https://elteeta.com/wp-content/uploads/2023/01/كلمات-اغنية-الهوى-الغربي-فلاح-المسردي.jpg)
كلمات اغنية الهوى الغربي مكتوبة كاملة غناء الفنان فلاح المسردي و خالد الوعيلي , من كلمات محمد بن فطيس والحان فلاح المسردي
الهوى الغربي
دخيلك ياهوى الغربي على قلبي تهب بزين
تراك محمل بشياء تهز القلب وضلوعه
تراك محمل بـ أشيا خفيه مستحيل تبين
ولايفطن لها كون الجريح ملاوع اللوعه
عليك الله وجاه الله تلف يسار ولايمين
ولاتحيي عروق جروح من عامين مقطوعه
تنحرتك وانا اعرف النتيجه دمعه وبيتين
ومجموعة هواجيس تخالف هي ومجموعه
وتنفستك وانا اعرفك على روح الشقي حدين
لكن الله ومرك وجابني باقدام مقلوعه
وجودي وجد من خلي يقيده الزمن للدين
عفيف ما اظهر الحاجه ولافزعوا له ربوعه
والاياوجد حالي وجد من خلي يشوف الشين
يتيم كلمته لا من شكى ماهي بمسموعه
توفى ابيه عاده مابعدهو ينطق اسمه زين
وعاش ابلا اخوان وناقع كمه من دموعه
على اللي راح بفوادي وانا ادري ليه وادري وين
وروح روحة مجبوعة ماهي بمتبوعه
ملا صدري غلا واقفا وانا ضامي فواد وعين
لونه غير وادعني علي اهون من الروعه
وبنى له في الحشى سور مثل سور بني في الصين
يرد العاذل ويحمي ورود فيه مزروعه
حلف لي دين ماينسى وانا اللي قد عطيته دين
انا ديني على ماهي وهو ماغير طبوعه
على خبري لكني رحت ادور للحقيقه لين
عرفت اسباب ماتقنع وشفت اسباب مشروعه
لونه راح هاجرني علي اهون من الثنتين
مراح مايبيه وعبرة في الحلق مقروعه
عسى ربي يسامح كل من له في الفراق ايدين
سبق سيف الفراق العذل ياروحين منزوعه
دخيلك ياهوى الغربي ترى ماني من السالين
ولو بينت لك ضحكه تراها صدق مصنوعه
دخيلك كف ولا لف ولا غير هب بزين
ترى ماهو يعرفك كون انا وملاوع اللوعه
عرضنا لكم كلمات اغنية الهوى الغربي غناء فلاح المسردي و خالد الوعيلي وايضا يمكنك متابعة كلمات اغنية قد عطيتك غناء فلاح المسردي مكتوبة كاملة