كلمات اغنية البخيت السنافي جزاع المري
البخيت السنافي
البخيل يجيه منها صداع نصفي
لا سمع فالكفو ممدوح القوافي
خله يولّي وحسب علمي وعرفي
مايلوق المدح الا فالسنافي
لايق ف شيخٍ تفاخر فيه حرفي
البخيت اللي عليه العز ضافي
اجوديٍ ماحسب للجود صرفي
والكرم والجود عداهن وطافي
وخالد ابن بخيت ناره ما تطفي
بالكرم وإنته نهلت العِّـد صافي
يا ولد من فالعرب جوده مضفيّ
والامور الكايده عنده اخفافي
ومدحة الطيب ترا ذوقي وشفيّ
يابوخالد وانت شيخ بفعل وافي
الحيد الاسود عِـّز والتاريخ يكفي
فارقه منقيته والزين كافي
لي بيارق فوزها دايم ترفيّ
عزبة الناموس بسيوف وشلافي
وللمناهيل الظفر في كل صفيّ
ذي عوايدهم ولا فيها اختلافي
يالبخيــت وفعلك مكفيّ وموفيّ
والعرب تشهد ولك فعلٍ يشافي
فالبطاقه وفالجواز وكل ملفي
لازم إن ونعم مع اسمك تضافي
كلمات اغنية بخيتون جزاع المري