كلمات اغنية البلوشي والنعم اسعد البطحري
لا غابت الشمس من خلف المراقيب
يسري بي البوح واتعبت الخطاوي
اللي تعب في الجمايل و المواجيب
لا يحسبوها هواية كل هاوي
لبلوش يوم اعتزوا نالوا مكاسيب
الصف واحد ما رد اليوم خاوي
سلام للي سبقنا بالتراحيب
احمد بن سعيد يا طيب الهقاوي
سلام للطيب واللي كاسب الطيب
هذا البلوشي فخر بلسان راوي
قال ابشروبي معاكم يا هل السيب
اللي يشوفه نشد وين انت ناوي
وسعيد بن راشد الشامخ نفح طيب
شيخاً فعوله شرا طب المداوي
وأحمد مع الكل تعداه العذاريب
يا هامةً حدّها النجم السماوي
يوّرد القوم عذبات المشاريب
ايلين يروى غصن قد بات ذاوي
بو طارق اللي نخاه بعيد وقريب
اسمه تقدّم ملبين العزاوي
هلّت به الناس وسيوفاً محاديب
لين اخضع الصعب وكبار البلاوي
طاريه نومس قبيلة والأصاحيب
من قلباً و عقل من كفاً رهاوي
تزاحموا للوعد كثر الخطاطيب
واختارت اللي مع الترشيح ضاوي
يوم العرب ساعية خلف المطاليب
طليبك المجد يالحر النداوي
كلمات اغنية رمز العرب اسعد البطحري