كلمات اغنية الحرار الصيرميه علي الواهبي
بان نجم سهيل للنفس الشقيه
عد همال السحايب مرحبابه
وبعّدها سج القدم بارضن خليه
تو وبل الوسم مسقيها سحابه
علّها غيمن تقفّته برديه
لين نقّع سيلها على ترابه
والذبيحه علّقت والنار حيه
ودلتن فنجالها تلقى الدوا به
مع رجالن دوم فالخوه جريه
تقطع الفرجه ولاتطري المهابه
درع جنبن للخوي في كل هيه
وفالمساري لاسرو مثل الذيابه
كل منهم فالشغل يكفي خويه
النفوس خفاف مافيها غرابه
قانصينن بالحرار الصيرميه
طردها يبعد عن الصدر اكتئابه
من فروخ ومن قرانيس خلويه
تلحق اللي قد تعلا فالسحابه
وفوق كفي حر ماتلقى حليه
فارسين تو منسولن قطابه
النواظر كنها نارن لضيّه
والمخالب كنها سيوف الحرابه
صاطين فالصيد صطواته قويه
صاملن قاطع عطيبن في صوابه
ذا هوا نفسي وكلن له نويه
من قبل يركز على قبري نصابه
كلمات اغنية غلاك علي الواهبي