كلمات اغنية السفير بن كردي مسفر السندوانه
حافظ على اللي فعله يفج الصفوف
اللي له فعوله وله مهابته
يابن منخس خل خلق الله تشوف
حضورك الشرس وخطاك الثابته
هجنك ماتاتي دون غايات الشفوف
لا قدِمت في الشوط الاول جابته
من ساس سبق وكلها غارب وجوف
سبحان من ذا خلقه ووهابته
اسرع من اللمحه واخفّ امن الطيوف
وسرب المطايا لا اقبلت ماهابته
كنها على الناموس مشعاف وولوف
والفوز ماله صرف عن عرابته
منها امسيه ياجعل تخطيها الصدوف
والرامي اللي ماحيو حرابته
امه من اغلا الذود وابيه معروف
سرور ابلهم لاوله منتابته
راحت غند والبيع لا شك مخلوف
الله يجيب الخير من سحابته
ومحمد ابن كردي اسم مايروف
وقف وخلا صدور خصمه كابته
ميقاف عزاً ماتوقفها الضعوف
جمل بني عمه وجمل لابته
سفيرنا اللي مايلِحقها حسوف
وحن ربعه ومحازمه وعصابته
حضورنا يملا قلوب الناس خوف
معاد يرفع خصمنا سبابته
ياراعي الرسلان وقف لا تطوف
والى زهبته صبه لشرابته
العز من دونه بني حنتم وقوف
يوم اعجزوا من طولته طلابته
كلمات اغنية غايه الدعيه مسفر السندوانه