كلمات اغنية العاديات علي الواهبي
من مربط العاديات اخترت لي مهره
اطيب خيول الجزيره من سلالتها
خلت جماهيرها فالعرض منبهره
وقدامهم ودها تثبت جدارتها
على الاهازيج مذعوره و مدهره
وان شاركت في الجوايز ماتعدتها
جمال غيدا بزين الدل مشتهره !
مكانها القلب والقمه مكانتها
ليا افتخر غيرها في عالم الشهره
هي تفتخر باسم ابوها في هويتها
الفتنه اللي غلاها ما نضب نهره
العشق خلاني اعشق نرجسيتها
لو انها تدري ان الكبد منصهره
ولاّدرت عن عيون الحزن.. ساعتها
حنت لقلب عطاها سره وجهره
وتبرعت له بجزء من عنايتها
يانور عين الغرام وستره وطُهره
استودعك من عرف نفسي وغايتها
شفتي ذوات الحسن وشلون منقهره
يبطون يازخرف الدنيا ولذتها
ماخفت نبني علاقه حب مزدهره
اخاف موت العلاقه من بدايتها
للحب زهره مثل ماللعمر زهره
الوقت يسرق دقيقتها وساعتها
تذكريني اذا دار الزمن ظهره
وتخلت اهل السياده عن سيادتها
شوفيني المشتري واشوفك الزهره
ونسيني الارض وانسي فوضويتها
لايشغلك عن غرامي عالم الشهره
واذكارك اهتمي اكثر في قرايتها
كلمات اغنية الدنيا متاع علي الواهبي