كلمات اغنية القصايد نوال الكويتية
القصايد
ماتعيش القصايد في رحا من قرا
قبل مولد قصيدة كم توفى شعور
كنت أحيك السوالف لين صوتي سرى
وصرت أدور لصوتي أي سكّة عبور
آخذ بخاطر اللي خاطره مابرى
غصب عن عين قلبي صار قلبي صبور
الحبايب منافي والرفاقة ذرى
ماتعيش القصايد في رحا من قرا
قبل مولد قصيدة كم توفى شعور
كنت أحيك السوالف لين صوتي سرى
وصرت أدور لصوتي أي سكّة عبور
جعلني فدوة اللي للمواصل شرا
واللي أقفت عيونه بالغياب معذور
آه وش حيلة اللي حطّ همه ورا
وكل مالدّ شافه يسبقه بالحضور
ويتغافل حنينه بالخفا مادرى
لين مسّاه حزنه بالرضا والسرور
إنت مالك بصدري والضلوع خشرا
غير وجهك وهمس بالمحاني جهور
ماتعيش القصايد في رحا من قرا
قبل مولد قصيدة كم توفى شعور
كنت أحيك السوالف لين صوتي سرى
وصرت أدور لصوتي أي سكّة عبور
قد ماني بكيتك بالشعر لاطرى
وقد مادمّ قلبي لاذكرتك يفور
صرت أنا والأغاني والقصيد عشرا
لين خفت العواطف من غناها تبور
إن ظلمتك بغيابك من تحبه ترى
المسافة قصيرة والليالي تدور
دام الأعمار تفني والجسد للثرى
من يبيح السنابل لو تموت الطيور
ماتعيش القصايد في رحا من قرا
قبل مولد قصيدة كم توفى شعور
كنت أحيك السوالف لين صوتي سرى
وصرت أدور لصوتي أي سكّة عبور
كلمات اغنية يكفي نوال الكويتية