![كلمات اغنية انتهى الصمت سفر الدغيلبي و خالد ال بريك](https://elteeta.com/wp-content/uploads/2024/04/antahaa-alsamt-safar-aldighilbi-w-khalid-al-brik-.webp)
كلمات اغنية انتهى الصمت سفر الدغيلبي و خالد ال بريك
سحاب الشعر هلت ثعوله
مايبي من جنابي غير وقت ومساحه
كني آشوف بعيوني تدفق سيوله
تقشع الضلع وتخلي مكانه براحه
بين تيار موجً كل طايل يطوله
وبين ثورة محيط ً ماتهود رياحه
انتهى الصمت والتعبير حلت حلوله
في ضميري كلام ً مااقدر اكبح جماحه
أعترف قبل لاارتب كلامي واقوله
مايبرمج عقول الناس غير الصراحه
آه من كربتن ماتنفرج بالسهوله
ماكشفها طبيب اعصاب ولا جراحه
عقدتن مبطيه ماظنها بمحلوله
أصبحت عايق الشاعر وعثرة نجاحه
في عموق الضمير مفقرة وامعقوله
واردة كل هم وطاردة كل راحه
إن تناسيتها واخذت دور البطوله
العزوم إرتخت والصبر سلم سلاحه
وان عصف بي مرضها بين صوله وجوله
يمكن أقلب زغاريد المعايد مناحه
لو ضربت الخلا لو زرت عشرين دوله
ما مع الهم والهوجاس رحلة سياحه
أترقب فرجها وآتحرى وصوله
وآترجى مثل رجوى الطفل للفراحه
وآتجبر بقول الله وسنة رسوله
الذكر يعطي العقل المذبذب رجاحه
آه واطيري اللي كايفاتن دلوله
فارقن عن طيوري بالوفا والسماحه
زاد محضار طيفه عقب ماغاب زوله
نادرن صيد مخلابه يطوّل جناحه
يوم شفت المخاطر والغرابيل حوله
مالي الا آتجمل فيه واطلق سراحه
جعل تفداه قصة حب ليلى وخوله
طاري الحب مع طاري النوادر بجاحه!
اله مني سحابة مسك ماهيب توله
يسعدالله مساه ويسعد الله صباحه
ياهواة الصقور الجارحه دوروا له
وأعطي اكبر بشاره وأعطي اكبر طراحه
كلمات اغنية انتهى الصمت سفر الدغيلبي و خالد ال بريك
كلمات اغنية اخوان بدوي خالد ال بريك و فهد بن فصلا