كلمات اغنية ضي القمر الوليد ال عامر
ودي اقفّل للزعل والجدل باب
واريح نفسي مالهموم ونكدها
كم ليلةٍ ساهر بلا داع واسباب
وعيني تراقب هالنجوم وعددها
مابيني وبين الغلا سيح وهضاب
و افكار بالمعنى نباعد امدها
نتفارق لاكن بقينا لها قراب
وإذا التقينا كل شرهه نسدها
متفردة بالزين ما بين الاحباب
حوريةٍ ما هو طبيعي جسدها
ضي القمر لامن حضر ضي وان غاب
نوره بقى ياضي براحة امدها
تعال واسكن يالغلا بين الاحداب
دام المحبه في هواك اعتمدها
حضنه وصدره لي مساحة وترحاب
والتين ثامر في مطالع نهدها
وملامس الشفاه بها خاطري ذاب
والحب ناره في خفوقي وقدها
روضتها ترويض الصعب والركاب
لين سقتني من ورد ما حد وردها
قربها وناسة وشكلها جذاب
والسعادة فنجان من طرف يدها
طاب السهر والليل في قربها طاب
يا ليتني في كل ليله سندها