كلمات اغنية قل للمسافة راشد الفارس
قل للمسافة لو تطول المسافه
نطوي لياليها ونطوي ظهرها
من حيننا مافيه دربٍ نخافه
انشد مطايانا وقصاص اثرها
درهامها للوقت والبيد آفه
ما كنّها الاّ الريح والله ومرها
حنّا هل الطولات واهل الكلافه
واهل السياسه لو تلاطم بحرها
في دمّنا من وقت عهد الخلافه
متوارثين فنونها ونخبرها
صمّ الجبال وعلّمتنا الصلافه
من روسنا كنّك تلقّط حجرها
ومن جا مطامن ارضنا باللطافه
نفرش له يدينا جسر عن وعرها
مادام فينا من يعاف الوصافه
كل مايطول الدرب خطواته ارها
يركض ونركض كل ابونا خلافه
سورٍ يهدّه والف سورٍ طمرها
له طينةٍ تفرق سلوك وحصافه
مثل الحقيقه والبقيّه صورها
من غيره محمد عدو الخُرافه
دينه ودين العايشين بحفرها
ماهمّه الاّ كيف يخلق مسافه
ثم كيف يقطعها وكيف يعمرها
كلمات اغنية الجديد راشد الفارس