لذة العمر

كلمات اغنية لذة العمر فهد بن فصلا

لذة العمر قرب النفس للي تبيه
وباق الايام ماتحسب من أيامها
الغلا اللي تبيّن قيمته بالوجيه
هو وقود الحياه ومصدر إلهامها

اشهد ان لك غلا لو اكتبه واحكيه
بح صوت الحروف وجفّت أقلامها
ايه ياللي طغا بي حسنك الفارق ايه
كن الايام جايبتك من احلامها

في حرم حسنك يطوف الشعور النزيه
همّش الفاتنات وكسّر اصنامها
مالهن حظ في ليل ٍ تحضرين فيه
آية ٍ كل زين يطيح قدّامها

كن نظراتك تقول آسفة ماعليه
تعتذر من حلاها لو ماحد لامها
مالطبعك مثيل ولالزينك شبيه
في بيوت العرب وبساحة إعلامها

دثري قلبي بوصلك قبل تعتريه
لهفة الشوق لاداعبته انسامها
ليلة ٍ عاشقك فيها يديك بيديه
اشهد انه بدون احساس لانامها