كلمات اغنية مضحوك عليا طارق الشيخ
بين كل جرح وجرح اصعب من اللي قابله
حاسس اني عايش كل دة و مضحوك عليا
وبقيت بشوف في عيون كمان كل اللي اقابله
نظرة شماتة وضحكة صفرا وفرحة فيا
مبقتش عارف ان كنت رايح ولا جي
وكأني عايش نص مات علي نص حي
حتي اللي مني مسلمش قلبي من اذاهم
والضربة جاتلي من اللي انا اتربيت معاهم
كل اللي بديله الامان هو اللي يجرح
والفرحة جت عندي انطفت حلفت ماهفرح
انا دوري صامت في الحياة وماليش مكان
واسيت كتير من ناس باعوني وركبو مسرح
فين اللي مني بجد بسال نفسي فينهم
جبروت وقسوة مشفتهاش غير بس منهم
علي طول في سيرتي بيقطعو ويذمو فيا
والرحمة جاتلي من الغريب ومجتش منهم
معرفش بختي يادنيا ليه علي طول مقصر
كل اما اقول هفرح خلاص تسود اكتر
من كتر ما اتحملت غدر وظلم منهم
مبقتش احس بضربهم مبقاش يأثر
مخنوق ومتحمل الم وعذاب قافلني
صدقت ناس ياخسارة طلعوا مغفلني
انا قلبي تاه حتي الحياة ضحكت عليا
والدنيا والايام لبعض محدفني
الكل وقفو اتفرجو علي ماتش همي
وسابوني متكتف بموت علي جنب مرمي
جايين عليا وكلهم ضدي وقصادي
وان يوم ضحكت بيجمعو علي حرق دمي
كلمات اغنية مضحوك عليا طارق الشيخ
كلمات اغنية انا ندمان طارق الشيخ