موجز شعور كلمات
موال
ياكثر من بالغلا وده يبين لي
مشاعره ويتمنى بس يرضيني
وماغيرك احد ٍ تمنيته عشير لي
انتي مناي وهوايه وأجمل سنيني
مجنون منهو يفرط فيك ياخلي
اللي سواتك نحفظه داخل العيني
ان جيت قمنا نرحب فيك ونهلي
وان غبت نتنا تجي ياكامل الزيني
ياكامل الزين والاخلاق والدلي
يالابس ٍ تاج ترفات المزاييني
ماجابك إلا بخَت صوّام ومصلي
ولا سخّرك كود من بأمره عشقتيني
عزالله اني احبك صدق ومولي
حب ٍ مع الدم يجري في شراييني
اروح وآتي وتبراني مثل ظلي
وغيرك معي بس كن ماهوب يعنيني
وان جيت اكن الغلا ماهوب حاصلي
ودي ولكن سطا ماعاد يمديني
وياكثر من بالغلا وده يبين لي
مشاعره ويتمنى بس يرضيني
وماغيرك احد ٍ تمنيته عشير ٍ لي
انتي مناي وهوايه وأجمل سنيني
أخلصت لك في هواي وجيت لك كلي
يادرة ٍ ماتقدر بالملاييني
خالقك ربي على ماأريد بالملي
مافيك شيء ٍ بقول يعيبك وشيني
ذا موجز شعور من يغليك ياخلي
وباقي التفاصيل تبقى بينك وبيني
اغنية موجز شعور الوليد ال عامر