كلمات اغنية هللويا ادونيس
قالولي في كِتاب مفقود
بِخَط مهندس الوجود
أبيات جمالها بيتخطّى الخيال
لفّيت العالم شرق وغرب
لاقَيت ورقة بيضا وعالكعب
بِخَط الايد ممضيّة هللويا
هللويا هللويا
بعرف هالمدينة منيح
ريحة الأرض وطعم الرّيح
مع إنّو ولا يوم فتْحتلي بوابا
زِرتا اليوم زِرتا كمان
من ألف سنة من لمّا كان
محفور عبابك كلمة هللويا
هللويا هللويا
لمحتا بين دوّار الشّمس
فستانا الأصفر لون الشّمس
وريحة إمّي وحكايات أبويا
وعكرسي المطبخ العتيق
تناولنا عسل عالرّيق
ومن شفافي سَحَبِت كلمة هللويا
هللويا هللويا
قالولنا نصبُر صابرون
جايي العيد عجناح كانون
كأنّو العيد لعبة بعلبة هدايا
منّو كلمة ولا إحساس
ولا زينة ولا أجراس
هو صوت مكسور بغنّي هللويا
هللويا هللويا
كلمات اغنية صوت المدينة ادونيس و غالية