يضيق الليل

كلمات اغنية يضيق الليل رولان و عبدالقادر

يضيق الليل بحدود المكان وينكسر مصباح
ويظهر للشجر ضل هزيل يبعثر اطرافي
واحس ان الدجا طوّق مداي وثارت الأشباح
واحس بحمل يباري خطاي ويثقل اكتافي

عطاهم ماعطا نفسه يموت من العطا ماطاح
وهو يومه بغاهم انكروه وربي الكافي
ذخرتك ديم وغيوم وسحاب وبارقٍ مالاح
لأني عاشقك رغم البعاد وجرحك الخافي

تطمن واشعل شموع المحبة واحتفل وارتاح
مدامك في بحور المستحيل الصعب مجدافي
ومدام انك معي عيبٍ علي احسب حساب جراح
وانا ماقد توسدت الملام بقلبك الصافي

وانا عن سود الايام وقهرها لك ذرى وسلاح
وانا اطوي لك مسافات الدروب الممحله حافي
وعلى نورك بكمل وجهتي لو ينكسر مصباح
يا اجمل ماتوقعه الخيال وماكتب قافي