كلمات اغنية يوم العيد مسفر السندوانه
لو ان دربك يالغضي صار معهود
وانته ترحب اللف مرحب وحياك
في يوم عيد وكل ها العالم سعود
السعد في شوفة عيونك ولقياك
كل عام وانت الحسن بك دايم يزود
وكل عام وانته ف الصداره مسماك
ياقايد الاريام ياترف لخدود
يا سارق قلوب البشر في مزياك
ي منبع الاخلاق والذوق والجود
يانادر بزينك ولا حد شرواك
بسمت شفاتك تجلي الضيق والكود
ونظرة عيونك تجلب السعد وياك
مفنود في شكلك و تشكيلة العود
مسقاي من دجله وبفرات لاماك
و مخوراً مزموم لا هبّت النود
عيني على هذا و عيني على ذاك
الخد روضة وازهرت فيه لورود
جذاب والبوح المعسّل من شفاك
حني كفوفك واكحل العين بمرود
مدري نشوف العين او راح يمناك
لا ناظرتني ثوّرت نار بارود
حذراك يا قلبي من البعد حذراك
افكار سرني على عيونك السود
واتشعبت بي عند لولك وحصباك
كلمات اغنية الغفيج بن صغير المالكي مسفر السندوانه